ലഡാക്ക് ഭരണ വികസന കൌൺസിൽ തെരഞ്ഞെടുപ്പിൽ വൻ മുന്നേറ്റവുമായി ബിജെപി; തകർന്നടിഞ്ഞ് കോൺഗ്രസ്സും ആം ആദ്മി പാർട്ടിയും:
ലഡാക്ക്: ലഡാക്കിന്റെ ഭരണ കാര്യങ്ങൾ നിർവഹിക്കുന്ന ലഡാക് ഓട്ടോണമസ് ഹില്‍ ഡെവലപ്‌മെന്റ് കൗണ്‍സിലിലേക്ക് നടന്ന തിരഞ്ഞെടുപ്പിന്റെ ആദ്യഘട്ട ഫലങ്ങള്‍ പുറത്തു വന്നു. വൻ വിജയവുമായി ബിജെപി എത്താനുള്ള സാധ്യതയാണ് കാണുന്നത്.കോൺഗ്രസ്സിനെയും ആം ആദ്മി പാർട്ടിയെയും ബഹുദൂരം പിന്നിലാക്കി യാണ് ബിജെപി വൻ വിജയം വിജയം നേടിയത്.
തെരഞ്ഞെടുപ്പ് നടന്ന 26 മണ്ഡലങ്ങളിലെ 14 ഫലങ്ങളാണ് പുറത്തു വന്നത്. അതിൽ 11 സീറ്റുകളിലും ബിജെപി സ്ഥാനാർത്ഥികളാണ് വിജയിച്ചത്. രണ്ടിടത്ത് കോൺഗ്രസ്സും ഒരിടത്ത് സ്വതന്ത്ര സ്ഥാനാർത്ഥിയും വിജയിച്ചു.
19 സീറ്റുകളിൽ മത്സരിച്ച ആം ആദ്മി പാർട്ടി സമ്പൂർണ്ണ പരാജയമായപ്പോൾ നാഷണൽ കോൺഫറൻസും പിഡിപിയും മത്സര രംഗത്ത് ഉണ്ടായിരുന്നില്ല. കശ്മീർ പുനരേകീകരണത്തിന് ശേഷം നടന്ന ആദ്യ തെരഞ്ഞെടുപ്പാണ് ഇത്. ഒക്ടോബർ 13, 14 തീയതികളിലാണ് തെരഞ്ഞെടുപ്പ് നടന്നത്. 54,257 വോട്ടര്‍മാർ സമ്മതിദാനാവകശം രേഖപ്പെടുത്തിയ തെരഞ്ഞെടുപ്പിൽ 65.07 ശതമാനം പോളിംഗ് രേഖപ്പെടുത്തിയിരുന്നു.
