ശബരിമലയിലെ ഏറ്റവും വൃത്തികെട്ട പരിപാടിയായിരുന്നു യുവതീ പ്രവേശനമെന്നു … കൃഷ്ണകുമാർ:
തിരുവനന്തപുരം: യുവതീ പ്രവേശനം ശബരിമലയിലെ ഏറ്റവും വൃത്തികെട്ട പരിപാടിയായിരുന്നെന്ന് തിരുവനന്തപുരത്തെ ബിജെപി സ്ഥാനാർത്ഥി കൃഷ്ണകുമാർ. പാരച്യൂട്ടില്‍ ഇറങ്ങിയ ആളല്ല താനെന്നും ട്രോളുകളാണ് തന്നെ വളര്‍ത്തിയതെന്നും ട്രോള്‍ ചെയ്യുന്നവര്‍ക്ക് നന്മ വരുത്തണമേയെന്നാണ് പ്രാര്‍ത്ഥിക്കുന്നതെന്നും കൃഷ്ണ കുമാർ പറയുകയുണ്ടായി.
സിനിമാ മേഖലയില്‍ ബി ജെ പിക്ക് വേണ്ടി പ്രവര്‍ത്തിക്കുന്നത് മാരക തെറ്റായി കാണുന്ന പലരുമുണ്ടെന്നും കൃഷ്‌ണകുമാര്‍ പറഞ്ഞു. മമ്മൂട്ടിക്ക് രാഷ്ട്രീയം പറയാമെങ്കിൽ തനിക്കും ആകാമെന്ന് നേരത്തെ അദ്ദേഹം പറഞ്ഞിരുന്നു. താനും സുരേഷ് ഗോപിയും ബിജെപിയില്‍ എത്തിയതിനെ ട്രോളുന്നത് എന്തുകൊണ്ടാണെന്ന് മനസിലാകുന്നില്ലെന്നും അദ്ദേഹം പറഞ്ഞിരുന്നു.എന്നാല്‍ തിരഞ്ഞെടുപ്പില്‍ സ്ഥാനാര്‍ത്ഥിയായ ശേഷം വിജയിക്കുമോയെന്ന് പേടിച്ച്‌ തനിക്കെതിരായ ട്രോളുകള്‍ കുറവാണെന്നും അദ്ദേഹം പറഞ്ഞു.
തീരദേശം മറിഞ്ഞാല്‍ ഇടത്-വലത് മുന്നണികള്‍ തകരുമെന്നു പറഞ്ഞ കൃഷ്‌ണകുമാര്‍, കപ്പലണ്ടി വാങ്ങിക്കുന്ന കാശ് മതി തീരദേശത്തെ രക്ഷിക്കാനിന്നും പറയുകയുണ്ടായി..
