ടിക്കാറാം മീണക്കെതിരെ കേന്ദ്ര തിരഞ്ഞെടുപ്പ് കമ്മിഷന്പരാതി നൽകി:പദവിയിൽ നിന്ന് നീക്കണമെന്ന് ആവശ്യം

സംസ്ഥാന മുഖ്യ തിരഞ്ഞെടുപ്പ് ഓഫീസർ ടിക്കാറാം മീണക്കെതിരെ കേന്ദ്ര തിരഞ്ഞെടുപ്പ് കമ്മിഷന്പരാതി നൽകി.തിരഞ്ഞെടുപ്പിൽ ശബരിമല പ്രചരണ വിഷയമാക്കരുതെന്ന നിർദേശം ദുരുദ്ദേശപരമാണെന്നും ,അധികാരദുർവിനിയോഗമെന്നും ആരോപിക്കുന്ന പരാതിയിൽ അദ്ദേഹത്തെ തൽസ്ഥാനത്തു നിന്ന് നീക്കണമെന്നും ആവശ്യപ്പെടുന്നു. ബി.ജെ.പി സംസ്ഥാന നേതാവ് അഡ്വ: പി .കൃഷ്ണ ദാസ് ആണ് പരാതി നൽകിയത് . മിസോറാം മുൻ ഗവർണർ കുമ്മനം രാജശേഖരൻ ,പി.സി. ജോർജ് MLA ,കോൺഗ്രസ് നേതാവ് കെ .സുധാകരൻ തുടങ്ങിയവർ ശബരിമല വിഷയം പ്രചാരണ വിഷയമാക്കുമെന്ന് ശക്തമായി പ്രതികരിച്ചിരുന്നു.മാതൃകാ പെരുമാറ്റച്ചട്ടം വിട്ടുവീഴ്ച്ചയില്ലാതെ കർശനമായി നടപ്പാക്കുമെന്ന് ടിക്കാറാം മീണ വ്യക്തമാക്കിയിരുന്നു.