തബ് ലീഗ് ജമാ അത്തെ യൂറോപ്പിലെ ഭീകരപ്രവര്‍ത്തനത്തിന്റെ ഇടനാഴി : ഇറ്റലി രഹസ്യാന്വേഷണ വിഭാഗം ; 2009ല്‍ റഷ്യ നിരോധിച്ച പ്രസ്ഥാനം; യൂറോപ്പിലെ അല്‍ഖ്വയിദയുടെ വാതിലെന്നും കണ്ടെത്തല്‍:
റോം: നിസാമുദ്ദീനിലെ തബ് ലീഗ് ജമാ അത്തെ എന്ന സംഘടനക്കെതിരെ ഗുരുതര ആരോപണവുമായി ഇറ്റലിയിലെ രഹസ്യാന്വേഷണ വിഭാഗം.യൂറോപ്പിലെ ഭീകരപ്രവര്‍ ത്തനങ്ങള്‍ക്ക് ഒരു വാതില്‍പോലെ പോലെ പ്രവര്‍ത്തിക്കുന്ന സംഘടനയാണെന്ന നിരീക്ഷണമാണ് അന്വേഷണ ഏജന്‍സികള്‍ പങ്കുവച്ചത്.
‘വലിയ ജനാലകള്‍ വെളളത്തുണികളാല്‍ മറച്ച്, ചില ശില്‍പ്പങ്ങളും കരകൗശലവസ്തുക്കളും വച്ച് സജ്ജീകരിക്കുന്ന പള്ളികളെല്ലാം ഒളിത്താവളങ്ങളും രഹസ്യകേന്ദ്രങ്ങളുമാണ്.’ തബ് ലീഗ് പ്രവര്‍ത്തനങ്ങളെ കഴിഞ്ഞ മൂന്നു വര്‍ഷമായി നിരീക്ഷിക്കുന്ന വാര്‍ത്തയാണ് ഇറ്റലിയിലെ മാദ്ധ്യമപ്രവര്‍ത്തകന്‍ പറയുന്നു. സാംസ്‌കാരിക കേന്ദ്രമെന്ന നിലയില്‍ ഔദ്യോഗികമായിട്ടാണിവര്‍ രേഖകളില്‍ ഉണ്ടാവുക. എന്നാല്‍ നിഗൂഢമായ മതപ്രവര്‍ത്തനമാണ് നടക്കുന്നത്. ഇറ്റലിയിലെ ബ്രെസിയയില്‍ തബ് ലീഗ് ഇദ് വാ എന്നതാണ് പേര്. അവിടെ വന്നു പോകുന്ന മതവിശ്വാസികളുടെ രീതിയും പെരുമാറ്റവും വളരെ ശ്രദ്ധാപൂര്‍വ്വം പരിശോധിച്ചുവരികയാണെന്നും രഹസ്യാന്വേഷണ വിഭാഗത്തെ ഉദ്ധരിച്ചുകൊണ്ട് മാദ്ധ്യമങ്ങള്‍ റിപ്പോര്‍ട്ടു ചെയ്യുന്നു.
പാകിസ്താനില്‍ നിന്നുള്ള മൗലാനാ താരിഖ് ജമീലാണ് നടത്തിപ്പിന്റെ ചുമതല. പാകിസ്താനിലെ ഫൈസലാബാദിലെ തബ് ലീഗ് ജമാ അത്തിന്റെ മേധാവിയാണിയാള്‍.2015ല്‍ ഇയാളെ ഭീകരപ്രവര്‍ത്തനത്തിന്റെ പേരില്‍ അറസ്റ്റ് ചെയ്തിരുന്നു. 2009ല്‍ 137 പേരുടെ മരണത്തി നിടയാക്കിയ പാകിസ്താനിലെ ബോംബ് സ്‌ഫോടനത്തിന് ചുക്കാന്‍ പിടിച്ച ഹാഫിസ് മുഹമ്മദ് സുല്‍ക്കീഫലാണ് മതപരമായ കാര്യങ്ങളില്‍ ഇവരുടെ ആത്മീയ നേതാവെന്നു ഇറ്റലി രഹസ്യാന്വേഷണ വിഭാഗം അറിയിച്ചു.
2015ല്‍ സുല്‍ക്കിഫലിനെ ഇറ്റലിയിലെ സാര്‍ദീനിയയില്‍ വച്ച് രഹസ്യാന്വേഷണ വിഭാഗം പിടിച്ചെങ്കിലും പിന്നീട് വിട്ടയച്ചിരുന്നു. വിചാരണ തടവുകാരനായതിന്റെ ആനുകൂല്യത്തിലാണ് വിട്ടതെങ്കിലും ശക്തമായ നിരീക്ഷണത്തിലാണെന്നും അധികൃതര്‍ വ്യക്തമാക്കി. ഇസ്ലാമിക ജിഹാദിനായി അന്താരാഷ്ട്ര തലത്തില്‍ പണമിടപാടു നടത്തുന്നതടക്കം നിരവധി തെളിവുകള്‍ ശേഖരിച്ചതായും ഇറ്റലി രഹസ്യാന്വേഷണ വിഭാഗം അറിയിച്ചു.
യൂറോപ്പിലെ ഇവരുടെ ആസ്ഥാനം ഇംഗ്ലണ്ടിലെ ഡ്യൂസ്‌ബെറിയിലാണ് 1978ല്‍ ആരംഭിച്ചത്. ഇവര്‍ക്ക് പ്രധാനമായും സാമ്പത്തിക സഹായം നല്‍കുന്നത് സൗദി അറേബ്യയാണ്. ഇറ്റലി കൂടാതെ അമേരിക്കയിലും ഫ്രാന്‍സിലും ഇവരുടെ കേന്ദ്രങ്ങളുണ്ട്. തബ് ലീഗിന്റെ പ്രവര്‍ത്തനം വീടുവീടാന്തരം കയറി ഇറങ്ങിയുള്ള ഖുറാന്‍ പ്രചാരണമായതിനാല്‍ അല്‍ ഖ്വയ്ദയുടെ ആളെ ചേര്‍ക്കല്‍ സംവിധാനം ഇവരിലൂടെ പ്രവര്‍ത്തിച്ചിരുന്നതായും തെളിവുകളുണ്ടെന്നും ഇറ്റലി രഹസ്യാന്വേഷണ വിഭാഗം അറിയിച്ചു.
2009 മുതല്‍ തബ് ലീഗിനെ നിരോധിച്ച ഏക രാജ്യം റഷ്യയാണ്. ഇവരുടെ മുഴുവന്‍ പ്രവര്‍ത്തനങ്ങളും നിരോധിച്ച റഷ്യ തദ്ദേശീയരെയടക്കം 7 പേരെ ഭീകരപ്രവര്‍ത്തനത്തിന്റെ പേരില്‍ ജയിലിലാക്കി. റഷ്യയുടെ രഹസ്യാന്വേഷണ വിഭാഗമായ ഫെഡറല്‍ സീക്രട്ട് സര്‍വ്വീസാണ് തബ് ലീഗിനെ നിരോധിച്ചത്.courtesy…janamon… public interest.
