കടന്നു കയറ്റ ശ്രമത്തിൽ പിന്തിരിഞ്ഞോടി ചൈന… കൈലാസ മാനസരോവരം കീഴടക്കി ഇന്ത്യൻ സൈന്യത്തിന്റെ വിജയ കാഹളം:
ടിബറ്റ്: അതിർത്തി ലംഘിച്ച് കടന്നു കയറാൻ ശ്രമിച്ച ചൈനക്ക് ഇന്ത്യൻ സൈനികരുടെ മുന്നിൽ പിടിച്ച് നിൽക്കാനാവാതെ പിന്തിരിഞ്ഞോടേണ്ടി വന്ന അവസ്ഥയുണ്ടായിരിക്കുന്നു.ആഗസ്റ്റ് 29 രാത്രിയിലാണ് സംഭവം. സ്വപ്നത്തിൽ പോലും കണക്കു കൂട്ടാത്തതാണ് ടിബറ്റൻ അതിർത്തിയിൽ സംഭവിച്ചത്. ടിബറ്റിൽ സ്ഥിതി ചെയ്യുന്ന ഹിന്ദുക്കളുടെ പുണ്യഭൂമിയായ കൈലാസ മാനസരോവർ ഇന്ത്യൻ സേന പിടിച്ചെടുത്തതായാണ് പുതിയതായി പുറത്തു വരുന്ന വിവരം. ഒരു കാലത്ത് ഇന്ത്യൻ പ്രദേശമായിരുന്ന കൈലാസ പർവ്വതത്തിന്റെ ഭൂരിഭാഗവും ചൈന മുൻകാലത്ത് അധീനമാക്കി വച്ചിരിക്കുകയായിരുന്നു. ഇപ്പോൾ ചൈനയുടെ അധിനിവേശ ശ്രമങ്ങളെ തുരത്തിയ ഇന്ത്യൻ സേന ചൈനക്ക് നൽകിയ തിരിച്ചടിയിൽ കൈലാസ പർവ്വതത്തിന്റെ ഭൂരിഭാഗവും ഇന്ത്യക്ക് സ്വന്തമായി എന്നാണ് ലഭ്യമാകുന്ന വിവരങ്ങൾ .
ശിവഭഗവാന്റെ വാസസ്ഥാനം എന്ന് ഹിന്ദു പുരാണങ്ങളിൽ പറയപ്പെടുന്ന കൈലാസ പർവ്വതം ടിബറ്റിന്റെ ഭാഗമായിരുന്നു. ടിബറ്റൻ ദേശീയതയെ ഒരു കാലത്തും അംഗീകരിക്കാതിരുന്ന ചൈന ഫലത്തിൽ കൈയ്യടക്കി വെച്ചിരുന്ന പുണ്യഭൂമിയാണ് നിർണ്ണായക നീക്കത്തിലൂടെ ഇന്ത്യ നേടിയെടുത്തത്.
