ബി ബി സി യുടേത് രാജ്യത്തിന്റ പരമാധികാരം തുരങ്കം വയ്ക്കുന്ന നടപടി:
സോഷ്യൽ മീഡിയയിൽ വൈറലായിക്കൊണ്ടിരിക്കുന്ന ഒരു പോസ്റ്റാണിത്. രാജ്യ വിരുദ്ധരും അധികാരത്തിന്റെ അപ്പക്കഷണത്തിനായി ആർത്തിപിടിച്ചോടുന്ന ആർത്തിപ്പണ്ടാരങ്ങളും ഒക്കെച്ചേർന്നു ഒരു രാജ്യത്ത് വർഗ്ഗീയ കലാപം അഴിച്ചു വിടാൻ നടത്തുന്ന ശ്രമത്തിന്റെ ഭാഗമാണ് ബി ബി സി ഇറക്കിയ ഡോക്കുമെന്ററി എന്നത് രാജ്യത്തെ ഭൂരിഭാഗം പേർക്കും അറിയാവുന്ന സംഗതിയായിരിക്കെ. ഇൻഡ്യയിലെ അഴിമതിക്കാരും,രാജ്യവിരുദ്ധരും,ഇസ്ലാമിക തീവ്രവാദം പുണരുന്നവരടക്കം കമ്മ്യൂണിസ്റ്റുകളും, കോൺഗ്രസ്സും ഉൾപ്പെടെയുള്ളവർക്ക് 2024 ൽ നടക്കുന്ന തെരഞ്ഞെടുപ്പിൽ അധികാരം പിടിച്ചെടുക്കാനുള്ള ഗൂഡ്ഡ തന്ത്രത്തിന്റെ ഭാഗമാണ് വിദേശ കരങ്ങളിലൂടെ നിർമ്മിക്കപ്പെട്ട ഈ ഡോക്യൂമെന്ററിയെന്നത് പകൽപോലെ വ്യക്തമാണ് . സോഷ്യൽ മീഡിയയിൽ ഇപ്പോൾ വൈറൽ ആയിരിക്കുന്ന PK ഷിബിയുടെ ലേഖനം എല്ലാവരും വായിക്കേണ്ട ഒന്നാണ്. ആ പോസ്റ്റ് ഇങ്ങനെയാണ്.
“ജാതിവെറിയുടെ പേരിൽ, നിരപരാധികളായ ലക്ഷക്കണക്കിന് കാശ്മീർപണ്ഡിറ്റുകളെ സ്വന്തം നാട്ടിൽനിന്നും, അടിച്ചോടിച്ച് അവരുടെ സ്വത്തും മുതലും കൊള്ളയടിച്ച… പതിനായിരക്കണക്കിന് സ്ത്രീകളെയും പെണ്കുഞ്ഞുങ്ങളെയും ക്രൂരമായി ബലാത്സംഗം ചെയ്ത്, പതിനായിരക്കണക്കിന് മനുഷ്യരെ കൊന്നൊടുക്കിയ കാശ്മീർ കലാപത്തെപ്പറ്റി ഒരു ഡോക്യുമെന്ററി ചെയ്യാൻ BBC ഇതുവരെ തയ്യാറായോ ?
മൂന്നു പതിറ്റാണ്ടുകൾക്ക് ശേഷം, ചരിത്ര രേഖകളുടെ പിന്ബലത്തോട് കൂടി വിവേക് അഗ്നിഹോത്രി സംവിധാനം ചെയ്ത ചരിത്രസത്യമായ “കാശ്മീർ ഫയൽസ്” എന്ന സിനിമ നാടുനീളെ പ്രദർശിപ്പിക്കാൻ DYFI യും, കോൺഗ്രസ്സും തയ്യാറായോ ?
കോൺഗ്രസ്സ് നേതാക്കളുടെ മുഖ്യ കാർമ്മികത്വത്തിൽ, നിരപരാധികളായ പതിനായിരക്കണക്കിന് സിഖ്കാരെ പച്ചക്കു കത്തിച്ചുകളഞ്ഞ 1984 ലെ സിഖ് കലാപത്തെപ്പറ്റി ഒരു ഡോക്യുമെന്ററി ചെയ്യാൻ BBC ഇതുവരെ തയ്യാറായോ ?
ബംഗാളിൽ ജ്യോതിബസുവിന്റെ ഭരണകാലത്ത് എന്നുവെച്ചാൽ, സാക്ഷാൽ CPM ന്റെ നേതൃത്വത്തിൽ പതിനായിരക്കണക്കിന് ദളിതരെ കൊന്നുതള്ളിയ മരിഝാപ്പി കൂട്ടക്കൊലയെപ്പറ്റി ഒരു ഡോക്യുമെന്ററി ചെയ്യാൻ BBC ഇതുവരെ തയ്യാറായോ ?
പതിനായിരക്കണക്കിന് ഹിന്ദുക്കളെ പച്ചക്ക് കൊത്തിയരിഞ്ഞ് കിണറ്റിൽ തള്ളിയ മലബാറിലെ മാപ്പിള ലഹളയെപ്പറ്റി ഒരു ഡോക്യുമെന്ററി ചെയ്യാൻ, ഒരു നൂറ്റാണ്ടു കഴിഞ്ഞിട്ടും BBC തയ്യാറായോ ?
എന്തിനേറെപ്പറയുന്നു, ഒരു വിളിപ്പാടകലെ നിരപരാധികളായ ഹിന്ദുക്കളെ പേപ്പട്ടികളെപ്പോലെ വെട്ടിവീഴ്ത്തിയ രണ്ടു മാറാട് കലാപങ്ങള്രപ്പറ്റി ഒരു പരസ്യ സംവാദത്തിനെങ്കിലും അക്കാലത്ത് നാട് ഭരിച്ചിരുന്ന കോൺഗ്രസ്സും, പ്രതിപക്ഷത്തിരുന്ന CPM ഉം ഇന്നും തയ്യാറാണോ ?
പക്ഷേ, രാജ്യത്തെ പരമോന്നത കോടതിവരെ തള്ളിക്കളഞ്ഞ ഗുജറാത്ത് കലാപത്തിലെ മോദിയുടെ പങ്കിനെപ്പറ്റി രണ്ടുപതിറ്റാണ്ടുകൾക്കു ശേഷം, BBC തയ്യാറാക്കിയ ഡോക്യുമെന്ററി നാടാകെ പ്രദർശിപ്പിച്ചു നാട്ടിൽ കലാപമുണ്ടാക്കാൻ ഇടതനും, വലതനും മത്സരിക്കുന്നു..!!
ഇതൊക്കെ വെറുതെയങ്ങു സംഭവിക്കുന്നതാണോ ?
ഭാരതത്തിന്റെ വളർച്ച ലോകത്തെ അസ്വസ്ഥമാക്കുന്നു… സായിപ്പിന് മുന്നിൽ ഓച്ഛാനിച്ചു നിന്നിരുന്ന മൻമോഹൻ സിങ്ങിന് പകരം, ലോകനേതാക്കൾ കെട്ടിപ്പിടിക്കാൻ തിരക്കുകൂട്ടുന്ന മോദിയെ… G 20 യുടെ അധ്യക്ഷസ്ഥാനത്തിരിക്കുന്ന മോഡിയെ…. ലോകഭീമന്മാരെ പുച്ഛിച്ചുതള്ളി, അറബ് രാജ്യങ്ങളെ നോക്കി പല്ലിളിച്ചുകൊണ്ട് “ഞങ്ങൾക്ക് സൗകര്യമുള്ളിടത്തുനിന്നും എണ്ണവാങ്ങും” എന്ന് ഉറക്കെപറഞ്ഞുകൊണ്ട് റഷ്യയിൽനിന്നും കുറഞ്ഞവിലയ്ക്ക് എണ്ണ വാങ്ങാൻ നട്ടെല്ല് കാണിച്ച നരേന്ദ്ര മോദിയെ… ഭാരതത്തിന്റെ വിഭവശേഷി വേണമെങ്കിൽ, ഇങ്ങോട്ട് വന്നു നിര്മ്മാണം തുടങ്ങണം എന്നുപറഞ്ഞുകൊണ്ട് “മേക്ക് ഇൻ ഇന്ത്യ” പദ്ധതിയിലൂടെ ലോകത്തെ വമ്പന്മാരെയൊക്കെയും അനായാസേന ഭാരതത്തിലേക്ക് ആട്ടിത്തെളിച്ചുകൊണ്ടു വരുന്ന മോദിയെ… ശരവേഗത്തിൽ, ഭാരതത്തിന്റെ റോഡും, റെയിൽവേയും, ആകാശവും ഒന്നുപോലെ വികസിതരാജ്യങ്ങൾക്കു സമാനമാക്കി മാറ്റുന്ന മോദിയെ… പാക്കിസ്ഥാൻ എന്ന ഭീകരരാഷ്ട്രത്തെ തന്ത്രപരമായി തകർത്തുകളഞ്ഞ മോദിയെ…. അയൽരാജ്യങ്ങൾ ഒരു കിലോ ഗോതമ്പിനു പോലും ലോകത്തിനു മുന്നിൽ കൈനീട്ടുമ്പോഴും, ലോകത്തെ മുഴുവൻ തീറ്റിപ്പോറ്റാനുള്ള ഭക്ഷണം ഞങ്ങളുടെ കൈവശമുണ്ടെന്ന് ഉറക്കെപ്പറയുന്ന മോദിയെ, അഴിമതിയെന്നത് ദൈനദിനരാഷ്ട്രീയത്തിൽ നിന്നും തുടച്ചുമാറ്റിയ മോദിയെ ലോകം ഭയക്കുന്നു… ഡോളറിനു പകരം രൂപയിൽ വിനിമയം നടത്താൻ ലോകരാഷ്ട്രങ്ങൾ വൈകാതെ നിരബന്ധിതരാകും… ഭാരതത്തെ പിടിച്ചുകെട്ടാൻ ഇനി പ്രയാസമാണ്…
സ്ലംഡോഗ് മില്ലനിയർ പോലെയുള്ള സിനിമകളിൽ കണ്ട, സെപ്റ്റിക് ടാങ്കിൽ വീണുകിടക്കുന്നവരല്ല ഭാരതീയർ എന്ന് ലോകം മനസിലാക്കുന്നു..!! ഒപ്പംതന്നെ ലോകരാഷ്ട്രങ്ങളും, ആഗോള മനുഷ്യസ്നേഹികളും ഒക്കെ ഉൾപ്പെട്ട ചാരക്കേസ്, സ്വർണ്ണക്കള്ളക്കടത്തുപോലെയുള്ളവയുടെ വിചാരണയും മുന്നിൽനിൽക്കുന്നു..!! ഇപ്പോൾ, ലോകത്തിന്, ചൈനക്ക്… രാജ്യവിരുദ്ധരായ കമ്യുണിസ്റ്റുകൾക്ക് വേണ്ടത് രാഹുൽ ഗാന്ധിയെപ്പോലെ ഒരു പപ്പറ്റിനെയാണ്… നരേന്ദ്ര മോദിയെപ്പോലെ നട്ടെല്ലുള്ള ഒരു ഭരണാധികാരിയെയല്ല…!! അതിലേക്കുള്ള ശ്രമങ്ങളാണ് ഇതൊക്കെ എന്ന് മനസിലാക്കാൻ പാഴൂർ പടിപ്പുരവരെയൊന്നും പോകേണ്ട കാര്യമില്ല..!!
പരിണിത ഫലം എന്തായിരിക്കും… ? എളുപ്പത്തിൽ പറഞ്ഞാൽ, ഒരു കാശ്മീർ ഫയൽസ്, കാന്താര അല്ലെങ്കിൽ മാളികപ്പുറം സിനിമ കൊണ്ട് എന്ത് സംഭവിച്ചു ?? അതുതന്നെ..!!
ഇസ്ലാമിക തീവ്രവാദത്തെ ഫലപ്രദമായി ചെറുക്കാൻ…. ഇനിയൊരു കശ്മീർ കലാപം ഉണ്ടാവാതെയിരിക്കാൻ…. ഇനിയൊരു മാപ്പിള ലഹള ഉണ്ടാവാതിരിക്കാൻ… ഇനിയൊരു മാറാട് ആവർത്തിക്കാതിരിക്കാൻ… ഹിന്ദുക്കളുടെ രക്ഷകനാകാൻ ഈ രാജ്യത്ത് നരേന്ദ്ര ദാമോദർദാസ് മോദിക്ക് മാത്രമേ കഴിയൂ എന്ന് ഹിന്ദുക്കൾ മനസ്സിലാക്കും… രാജ്യത്തെ 85% വരുന്ന ഹിന്ദുക്കളിൽ ഭൂരിഭാഗവും ഒന്നിക്കും… 2024 ൽ ഹിന്ദുക്കൾ കൂടുതലും ബിജെപിക്ക് വോട്ട് ചെയ്യും… മറ്റു ന്യൂനപക്ഷങ്ങളും ഒപ്പം നിൽക്കും… ബിജെപി മൃഗീയ ഭൂരിപക്ഷത്തോടെ വീണ്ടും അധികാരത്തിൽ വരും… രാജ്യം അടുത്ത 100 കൊല്ലം കൂടി ബിജെപി ഭരിക്കും… ഇന്ത്യൻ രാഷ്ട്രീയത്തിൽ കോൺഗ്രസ്സ് അപ്രസക്തമാകും… കനൽത്തരികൾ അണയും… !! ലോകത്തിലെ ഏറ്റവും വലിയ ജനാധിപത്യ രാജ്യത്തിൽ പ്രതിപക്ഷനേതാവില്ലാത്ത പാർലമെന്റുകൾ വന്നുപോകും..!!
ഇതിന്റെയൊക്കെ കൂടുതൽ ക്രെഡിറ്റും കേരളത്തിലെ ചൈനീസ് പടക്കങ്ങൾക്കു മാത്രമായിരിക്കും..!!courtesy to PK Shiby; kaladwani news
